Математика, информатика пәндерінің апталығының ашылуы

20 қаңтар 2025, Дүйсенбі

Қаңтар айының 13-ші жұлдызында «Математика, информатика сабақтарында жасанды интеллект мүмкіндіктерін қолдану арқылы оқушылардың функционалдық сауаттылығын арттыру жолдары» атты математика және информатика пәндер бірлестігі айлығының ашылу салтанаты мектебіміздің акт залында оқушылардың қатысуымен өткізілді. Айлық математика пәні мұғалімі Тәтібекова Күлбағира Қыстаубайқызының арнайы сөзімен ашылды. Іс-шараны мектеп оқушылары қазақтың ұлттық биімен жалғастырды. Айлықтың ашылуына орай, 7-сынып оқушысы Амангелді Әмина бірлестік мұғалімдеріне ән арнаса, 10-сынып оқушылары «Математика өмірде» атты көрініс көрсетті. Оқушылар математика және информатика пәндерімен байланысты фокустармен бөлісті, викториналық сұрақтарға жауап берді. Логикалық есептерді шешуге белсенді түрде ат салысып, сыйлықтармен марапатталды. Ашылу салтанаты барысында мектеп-гимназия директоры Қуатова Асель Бериковна сөз сөйлеп, оқушыларды айлыққа белсенді қатысуға шақырды.

Талқылау