Аудандық білім бөлімінің бастамасымен ұйымдастырылған "Тьюторлық онлайн мектеп" жобасы аясында мақсатты мектептердің педагогтеріне әдістемелік қолдау

Аудандық білім бөлімінің бастамасымен ұйымдастырылған "Тьюторлық онлайн мектеп" жобасы аясында мақсатты мектептердің педагогтеріне әдістемелік қолдау көрсету, кәсіби құзыреттілік деңгейін арттыру, педагогикалық қызметтің нәтижелілігін жетілдіру арқылы мұғалімдердің кәсіби дамуын қамтамасыз ету бағытында бірқатар жүйелі жұмыстар жүргізілуде.
Аталған жоба шеңберінде Шохан Уалиханов атындағы орта мектебінде педагогтер арасында өзара кәсіби тәжірибе алмасу, тәлімгерлік қызметті жетілдіру мақсатында "Педагогикалық дуэт" атты кіші жоба жүзеге асырылуда. Бұл жоба тірек мектеп пен мақсатты мектептер арасындағы байланыс орнату арқылы мұғалімдердің тәжірибе алмасуына мүмкіндік береді.
2025 жылдың 14 сәуірінде Сарыкемер мектеп-гимназиясының бастауыш сынып мұғалімі, педагог-шебер Рыспанбетова Лаззат пен Ш.Уәлиханов атындағы орта мектептің бастауыш сынып мұғалімі Чиналиева Гулбаршын 3"А" сыныбында қазақ тілі пәні бойынша дуэттік ашық сабақ өткізді. 2 "А" сыныбында қазақ тілі пәнінен Салимбаева Мақпал және Оразбекова Кәмшат сабақ өткізді. 7 сыныпта тарих пәнінен  Төлеген Бибігүл мен Ерболатов Д, 7 сыныпта қазақ тілі пәнінен Г.Ракулова мен Е.Баймамыров сабақ өткізді. Сабақ барысында мұғалімдер бірлесе жұмыс жасап, оқушылардың танымдық белсенділігін арттыруға бағытталған тиімді әдіс-тәсілдер мен жаңа форматтағы технологияларды қолдану арқылы тәжірибе алмасты.
скачать dle 12.1