«Қауіпсіз интернет – жарқын болашақ кепілі» тақырыбында тәрбие сағаттары өткізілді.

10 ақпан халықаралық қауіпсіз интернет күніне орай мектебімізде оқушылардың интернет кеңістігіндегі қауіпсіз мінез-құлқын қалыптастыру, цифрлық мәдениетті арттыру, кибербуллингтің алдын алу және жеке мәліметтердің қорғалу жолдарын түсіндіру мақсатында «Қауіпсіз интернет – жарқын болашақ кепілі» тақырыбында тәрбие сағаттары өткізілді.
Тәрбие сағаттарының мақсаттары:
• оқушыларға интернеттегі қауіп-қатерлер туралы түсінік беру;
• интернетті қауіпсіз және жауапкершілікпен пайдалану дағдыларын қалыптастыру;
• цифрлық мәдениетті және ақпараттық сауаттылықты арттыру;
• жеке деректердің құпиялығын сақтау жолдарын түсіндіру;
• кибербуллингтің алдын алу және оған қарсы әрекет ету тәсілдерін үйрету;
• жалған ақпаратты ажырата білуге дағдыландыру;
• интернет желісін пайдалы әрі тиімді қолдануға бағыт беру.
Тәрбие сағаттары барысында оқушыларға интернет қауіпсіздігіне қатысты ақпараттар ұсынылып, бейнероликтер көрсетілді, жағдаяттық тапсырмалар, сұрақ-жауап және пікірталас жұмыстары ұйымдастырылды.
Іс-шара нәтижесінде оқушылардың интернетті саналы әрі қауіпсіз пайдалану туралы білімдері кеңейіп, ақпараттық мәдениеті артты.
скачать dle 12.1